Kršćenje Mošta po Križevečkimi štatuti

SPELAVANJE (obred)

Dom: Ti dohajaš dragi Moštek pred naša poštovana lica da kršćen buš?

Kum: Dohajam!

Dom: Reci ti nam, je li istina da si opsjeden sakojačkimi nečistimi duhi, da je vu tebi osa i čmela, muha i mušica, žaba i mraf, pauka i kobilica, pak črvov i pužof i sakojačkoga drugoga gmizećega, plazećega, letećega gada i smrada? Je li je se to istina?

Kum: Istina je!

Dom: Vidiš, zato su te hudo kaštigovali da se očistiš. Hitili su te vu škafe i brente, s broždalkom te gneli i tiskali, pak vu brente hitali, druzgali i motali, ali se to ni niš´ koristilo, morali su te još i prešom tiskati da su ti se kosti pucale i škripale i krvavi znoj da je s tebe curel i još se nisi popravili pak su te zato hitili vu gliboki lagev, da bi te bar rešt popratili. Je-je! Ti si vnutri galmil i mumlal kak stari medved i da te nisu čuvali železni jaki stražari, odavno bi vun vušel da te ni sam vrag vlovil ne bi! Nuder Moštek reci ti nam, je li si nakanil mentuvati se nečistoće i razvuzdanoga živlenja, da postaneš čist, vreden i dostojen prijeti ov denešni čin?

Kum: Jesem!

Dom: Ti si svadlivec, jako naprasite, hude i zločeste čudi ti naginješ ljudstvo na svađu i pravdu, na sakojački špot i sramotu. Ti ljude po cesti koturaš, vu grabe hičeš, na nemir i neslogu napelavaš, ti se vu želucu svadiš, van bežiš i tak se ganjke, hiže, obluke, opravu i pohištvo, zgadiš i posmradiš. Čuj Moštek!

Ti živiš gospocki. Kuliko si veškrat pustil i primal frajle, decu onoga tvojega pajdaša "Zdenca" i znjimi se potajice slagal, plel i motal. Premisli si samo da se takovo živlenje ne šika za onoga koji je odebran nam prectaviti najjakšega i najmočnejšega vu društvu. Je li se buš okanil toga i takovoga špotnog življenja i onih nesrećnih zdenčevih bludi i nesnagi?

Kum: Bum!

Dom: Moštek - Moštek, je li buš ti i dale svigde svoj nos zabadal i takva huda i bogu mrska dela činil. Reci, ali po istini je li se buš sega toga okanil?

Kum: Bum!

Dom: Obećaj nam sada da buš razgrejaval naša srca, zbijal šale i komedije, krepil i jačal naša tela, vesetil naša spravišča, kuražil i bodtril junake, tešil žalosne i nevolne i da buš se okanil sih prefrigancij i zmešancij? Je li nam buš to obečal?

Kum: Obečavlem!

Bom: /svečano/ Naj bu naplaćeno dugotrajno i mukotrpno delo marlivih težakof, kopačof, rezačof, vezačof, beračof i prešačof, jer je on iz

onoga nečistoga i nemirnoga nevernika postal čisti mirni i poslušni sin! Nek bu nadehnut s dobrim i č "

"

duhom , da mu više ne škodi mamlenje onoga zapelivca "Zdenca , nek da ostane " čist i nevin, da se ne pokvari i da bu dober i miren kak su bili njegovi dedi i oci, a ne onak kak su bila kržlava i grintava deca od nekuliko zadnjih let, koja su vuzrokovala da se je držal kiselo i odurno, a za želuček nepodesno, kak da ga svetlo sunčece nigdar ogrejali ni! Nek bu vuslišana ova zmožna i pobožna molitvica veliko milostivi "Bakuse , kak vezda " tek i za se veke vekov po "Bakusu" gospodinu i "Martinu" krstivinu i duhu vinskomu!

Min: Amen!

Dom: Moštek! Koraći naprej da te krstim! Moštek! Ja te krstim na vino vu ime onega koji te je obdelat i vu ime predićnog Martina i duha od kojeg mošt kuha! Zemi vode pri sake zgode! Na ti soli da nikoga glava ne zaboli! Mir budi navek s tobom da buš navek pun duha i jakosti!

Min: Amen!

RIJEČ – glasnik hrvatske kulturne zajednice 

© by www.hkz-wi.de                                                                                                    info@hkz-wi.de